【誇世代】張繼聰冇得現身拎最佳劇集 「屋企睇都開心！」
撰文：羅偉強
出版：更新：
剛剛在萬千星輝頒獎典禮獲得「最佳劇集」的《誇世代》，一眾台前幕後自然會大肆慶祝。唯獨雖然在劇中擔任要角，可惜因公司關係而慘遭TVB封殺的張繼聰就沒機會親身參與盛事，而今天他就出席由英皇、阿里巴巴及優酷合作的超級網劇《PTU機動部隊》發佈會，亦回應了一二。
雖然《誇世代》得獎，但阿聰因雙方公司關係而未能親身出席分享喜悅。（梁碧玲 攝）
雖然未能親身到場與一眾《誇世代》台前幕後分享喜悅，但阿聰就表示沒有遺憾：「《誇世代》暫時係我喺TVB最後一套劇，但可以同一班非常出色嘅台前幕後合作，我覺得好圓滿！雖然冇親身去頒獎禮，但我喺屋企睇都一樣開心。」雖然短時間內未必可以再於TVB看見阿聰，不過以阿聰的人氣度，相信仍有好多途徑可以看到阿聰的演出。
冇TVB劇拍，但今次喺《PTU機動部隊》有得做沙展都係一個新挑戰。（梁碧玲 攝）
「今年工作都排得七七八八，主要係電影工作。至於TVB我永遠都感謝佢俾咗好多機會我，但事情未解決之前，我就先專注電影工作。未來嘅事講唔埋，話唔定可以好快再合作呢！」答得大方得體又不忘本，抵讚！希望都盡快可以同TVB破冰，讓大家再聽到更多金句！
張繼聰在這網劇入面升職，做沙展。（梁碧玲 攝）
阿聰都希望可以盡快同TVB再度合作。（梁碧玲 攝）
今年女主角之爭相當激烈，阿聰就表示睇好Chrissie同Stephy。（《29+1》劇照）
上年張繼聰都拍了不少電影，《小男人週記3之吾家有喜》、《拆彈專家》、《西謊極樂之太爆太子太空艙》、《今晚打喪屍》等，每一套都有一定份量的演出。問到他如何看今年的香港電影金像獎，他就表示自己相當睇好《29+1》周秀娜，以及《空手道》鄧麗欣：「我覺得《29+1》係一套好用心嘅本地製作，而Chrissie亦都演得非常好。Stephy啱啱先拎完影后，之前亦同佢合作過，覺得佢係一個身上充滿寶藏嘅人！」不過他本人目前就表示沒有野心爭獎，只要做好演員本份就可以。加油呀！張繼聰，好多人都好鍾意睇你演出！