【平安谷】陳瀅演青蘭收一蚊利市 去便利店被寸：一蚊邊買到嘢
撰文：冼燕珊
出版：更新：
陳瀅估唔到要洗一蚊雞係咁困難。（江智騫攝）
在香港，演員拍攝靈異片或者飾演死人病人都會收利是，陳瀅飾演嘅青蘭喺劇集《平安谷之詭谷傳說》中死得咁慘，當然有收到呢封tvb特色「一蚊利市」，佢今日出席活動接受我地訪問時，就話當日拍完喺泥度爬出嚟嘅戲份之後，即刻拎果一蚊利是去使，點知困難重重!
陳瀅話青蘭呢個角色令人恐懼又令人心疼，之前從未遇過這種角色。
Jeannie當晚拍完果戲，就即刻去便利店使咗一蚊，佢同店員講:「Hello，我想用咗呢個一蚊。」個店員毫不留情咁話:「一蚊邊度買到嘢，咪玩啦。」Jeannie之後諗住買條朱古力搭埋個一蚊用咗佢，點知個店員唔接受，最後要買一堆食物，督咗好耐計數機先成功洗咗果一蚊。雖然今次青蘭嘅戲份好少，但Jeannie就好開心可以演出呢個角色:「你會驚佢，但最後令人覺得心疼，為佢感動，呢個係我之前未試過遇到的角色，所以我很高興大家喜歡青蘭。」
至於點解戲份咁少，Jeannie就話要問返監製喇，但佢話:「據我所知，監製見到青蘭呢個角色就諗起我，我初頭仲覺得驚驚想拒絕，叫佢搵第二個，原來佢當時剪緊«全職沒女»，見到我其中一場喊戲，佢覺得演得好可憐，所以覺得我好適合演青蘭。」Jeannie話好信任監製嘅眼光，所以接咗劇本，而佢都不負監製所望，演得好好呀！
【平安谷】成日被鬼壓 陳瀅：見到啲唔應該見到嘅嘢，已經慣咗【平安谷】陳瀅翻生究竟係咩一回事？ 不過原來佢最終都難逃一死
陳瀅估唔到要洗一蚊雞係咁困難。（江智騫攝）