倪晨曦教妳點樣對付掛住「打機」嘅男友 簡單3招就搞掂
撰文：林迅景
出版：更新：
倪晨曦出名人靚心地好，估唔到對男友都咁溫柔。
網路上一直流傳著一句說話：遊戲機是女人的天敵，這句說話是沒錯的。昨晚《Monster Hunter World》推出之後，相信不少女性都深深體驗到它的威力。
倪晨曦本身就冇打機習慣。
如果男朋友沈迷打機而冷落自己，又點令佢回心轉意呢？同樣有另一半的倪晨曦（Elva）接受《香港01》訪問時說：「我可能會係咁引佢去玩啲outdoor activities（戶外活動）。同佢講：『不如出去行下山，踩下單車；再唔係就趁住weekend（周末）去下南丫島。即係令佢唔好係屋企對住部機。」
倪晨曦個嬲樣都好可愛。
倪晨曦（Elva）亦提出另一個解決方法：「又或者就係俾佢『打爆機』就會返轉頭理我。一係就俾佢玩到好勁，一俾佢玩完。（記者：做你男朋友都幾幸福喎，唔理你冇事不特止仲可以打爆機。）哈哈哈。我覺得要俾大家空間，因為我做嘢都會好into件事，譬如我畫畫唔睬你，又或者好專心剪片睇YouTube。」所以話，倪晨曦（Elva）係「完美女友」真係冇講錯。
倪晨曦話會俾雙方生活空間做自己嘢。
之但係如果以上2種方法都無效呢，倪晨曦（Elva）就話仲有一個對付方法：「停佢電囉，同佢講屋企冇電，又或者要維修，令佢可以停落嚟唔打機。（記者：呢招都幾毒喎。）哈哈，最少我唔會打爛佢啲嘢：我唔小心潑啲滾水落去燒咗部機咁。（記者：停電又停佢幾耐？）停一日先囉，睇下佢有咩反應，最少嗰一日你可以同佢溝通到。不過又唔可以停太多日，因為佢自己好想打嘅話佢會整返好。」
不過大家留意返，倪晨曦（Elva）男朋友最多只會打下Pokemon GO。所以以上方法有效與否，大家就需要多多斟酌。
+9