【多圖】胡杏兒御用星級影樓 雨僑羅力威森林婚照原來喺香港影
撰文：洪曉璇
出版：更新：
雨僑同羅力威結束8年愛情長跑，公開婚照宣佈3月擺酒結婚，除咗戥佢地開心之餘，婚紗相都相當吸睛﹗身上禮服係星級藝人贊助之餘，大家都相當好奇佢哋到底飛咗去邊度影婚照，森林景相當特別。唔使估估下啦，其實成輯相都喺影樓室內完成，仲要唔使離開香港！
滿天星雖然唔係貴價花種，但加添夢幻感覺實在係畫龍點晴，不可多得嘅佈置物料。
雨僑身上婚紗出自胡杏兒嘅公司，心型胸婚紗上繡滿立體花花及珍珠相當高貴。
Model出身嘅雨僑擺Pose絕對難佢唔到，婚紗晚裝由胡杏兒嘅公司Kevolie贊助，心型胸婚紗上繡滿立體花花及珍珠，高貴又有氣質，望真啲腰側仲有少少透視；至於晚裝方面，由於雨僑鍾情滿天星圖案，所以 see through 裸色晚裝特別加上銀色滿天星圖案設計，非常性感亮麗，至於羅力威嘅兩套男禮，就出自蘇志威嘅LUXE Tuxedo。
透視裸色晚裝加上雨僑至愛嘅銀色滿天星圖案設計，化身成森林仙子一樣。
男士們睇衫可能無咩感覺，咁就不如睇景啦。雨僑同羅力威公開婚照中有兩個場景，一個係喺落地大窗前，配以大量滿天星佈置作背景，純潔又有氣質；而另一場景係以掛上燈泡嘅森林作為拍攝背景，充滿浪漫童話感覺。
呢個森林場景真係既特別又韓味十足，估唔到會係喺香港嘅影樓。
胡杏兒嘅大肚相都係去返ByBen呢個御用影樓拍攝。
早前聖誕節，羅敏莊陳國邦帶埋囡囡陳禛，到ByBen拍攝全家幅。
原來兩個場景都係位於香港嘅萬呎影樓ByBen一角，攝影師Ben係婚攝界紅人，胡杏兒嘅婚紗照、大肚相都係由佢操刀。影樓中有超過20個實景場景，除咗雨僑同羅力威影嘅森林及韓式大窗，仲有法式露台、長樓梯、甚至一比一大嘅夢幻藍色馬。開業短短一年多啲已經成為明星藝人御用影樓，好似胡說八道會、蘇志威、吳業坤、鮑起靜、羅敏莊陳國邦一家、鄺文珣、吳若希等都先後喺度留影。
胡杏兒拍攝大肚照呢個場景，同雨僑羅力威係同一場景，大家又認唔認得？
除咗不時去影相，胡杏兒嘅婚紗公司，都經常同ByBen合作。
影后鮑起靜同囡囡一齊喺大型時鐘前留影，相當有愛。
鄺文珣嘅大肚照都喺同一影樓拍攝。
吳業坤去年發展男裝禮服生意，著上自家出品到ByBen拍攝宣傳照。
吳若希有份嘅愛馬女士協會，於藍馬場景拍攝官方合照相當貼題。
+2