【反黑】分量級演員度唔到期 宋本中：劇本要再執，係會遲咗開鏡
撰文：鄺鈺瑩
出版：更新：
《反黑》幾位核心主角不時都齊集於宋本中的辦公室為第二季度橋。
《反黑》由YouTube走到Netflix平台，不論是導演宋本中或幾位主角陳國坤、陳小春，甚至係一班幕後工作人員都十分高興。去年訪問宋本中時，他透露《反黑》將會有第二、三季，如今第一季已在Netflix上架，第二季都是時候開拍了吧？
因為演員檔期問題，令第二季《反黑》開拍時間可能延後。
宋本中接受訪問時，透露第二季劇本已在進行中，但由於某些問題，令開拍時間出現了變數。「本來係傾好咗一位份量級演員架啦，亦都可以話係大家好期待佢嘅出現，但而家對方檔期出咗少少問題，所以參與唔到，令到成件事有變動，劇本要重新執過。」雖然易角問題令第二季開拍時間稍微延遲至三月，但宋本中保證一定將最好的給予觀眾。「自己不嬲都堅持搞好劇本，真係寫好晒先開拍，因為飛紙仔對件事亦都無幫助。」他更強調不會為了急着收訂金而草率地開拍，但預計演員的檔期將會是個很大的考驗。
《反黑》第二季有國際巨星加盟，大家估到係邊個未？
神爺在第一季結局時，接通電話後說：「Michael係時候返黎喇！」鏡頭影着一個男人的背影，呢個Michael應該就係謝天華啦。(影片截圖)
到底係邊位「大家都好期待」的演員未能參與第二季呢？宋本中就非常口密，但提到上季結局時神爺仔Michael一直都只得一把聲同背影時，導演就笑笑口咁話「呢個圈邊個叫Michael？」呢條問題又真係唔難喎，咪就係個個都叫佢做Laughing哥嘅謝天華囉，其實單係睇謝天華同陳小春鬥戲都已經正啦。
《反黑》第一季大受內地網民歡迎，第二季預計會繼續與優酷平台合作，內地網民可以繼續追劇，不過由於《反黑》內容涉及不少黑幫敏感題材，為免被禁，所以導演宋本中都話在撰寫劇本時，特別小心。
《反黑》喺內地有幾受歡迎？