袁偉豪張寶兒一家食開年飯好事近？ 張寶欣：爸媽話家姐開心就得
撰文：林迅景
出版：更新：
張寶欣話今年係第一年去樂小姐屋企拜年。（陳順禎攝）
農曆新年剛剛過咗，相信大家都一定有去親戚朋友屋企拜年。昨日張寶欣與一班無綫花旦小花出席《第90屆奧斯卡®頒獎典禮》記者會時，就提到年初三時到了樂易玲樂小姐和旦哥（鄭丹瑞）家中拜年。「我大約係2點幾去，嗰時已經有4,50人，好多人。之後我走嘅時候，家姐就嚟接力，好似馬拉松式拜年咁，之後我就去咗旦哥屋企拜年。好開心，大家好似一個gathring咁坐埋一台食下嘢傾計，有年糕，炸春卷。」
奧斯卡頒獎禮記者會。（陳順禎攝）
+7
今次農曆新年就有傳媒影到袁偉豪到女朋友張寶兒家中拜年，莫非係見家長？妹妹張寶欣說：「都唔算係嘅。因為我哋屋企好鍾意熱鬧，爹哋媽咪平時都會嗌朋友上嚟屋企食飯。」張寶欣表示，父母對這位「準」女婿沒有甚麼評論。「佢哋話家姐開心就得，覺得一家人健健康康，開開心心就OK。（去咗邊度食飯？）嗰一餐我就冇去到，不過佢哋就去咗『蛇王芬』間餐廳。」
睇嚟袁偉豪同張寶兒一家嘅關係都好好。（陳順禎攝）