被前輩叫江X敏好尷尬 江嘉敏睇得開：呢個名幫咗我好多
撰文：張嘉敏
出版：更新：
江嘉敏話自己個名畀人改花名叫咗另一個字。（梁碧玲攝）
江嘉敏 (Kaman) 憑住青春無敵加上甜美樣子再加清純氣質，成為新一代女神，於2017年更成為Google年度熱爆搜尋榜女娛樂名人第一名，已經唔知有幾多網民曾在網上輸入過江嘉敏呢個名喇。不過原來Kaman曾經因為自己呢個名而唔開心，她說：「本來叫嘉敏無咩特別，但咁啱我姓江，啲人會幫我改花名，江嘉敏，江嘉敏，叫叫下就變咗江X敏，連TVB啲前輩見到我都會咁叫我「hi，江X敏！」我以前細個都會有少少唔開心，會有啲尷尬，但依家真係覺得呢個名其實幫咗我好多，令人更加記得我。」至於江X敏中的X係咩，記者應Kaman的要求不寫出來，請大家自行想象。
Kaman因為驚曱甴而無咗個拍戲機會。（梁碧玲攝）
另外提到她早前在菲律賓拍攝無綫新劇《兄弟》時在酒店房見到曱甴，Kaman話自己真係好驚曱甴，將來的男朋友一定要唔驚曱甴先得，又試過因爲屋企睡房出現曱甴而出廳做廳長。如果大家見到她身邊出現曱甴而她不知道，就唔好話給她知：「我寧願無眼屎乾淨盲，嗰次喺菲律賓拍劇時就試過有隻手掌心咁嘅曱甴喺我身後，工作人員都唔敢話我知怕嚇親我，事後先同返我講。」
江X敏係咩？Kaman叫大家自行想象。（梁碧玲攝）
她甚至試過因爲曱甴而失去拍戲機會：「我casting嗰時知道要同甴曱做戲，場戲係要瞓喺浴缸度再放啲曱甴入去同我一齊，我聽到已經好驚，真係唔得，雖然無咗個拍戲機會都好失望，但自己真係克服唔到。」咁個場面的確係好恐怖嘅。
+2