【爸爸去哪兒5】杜江帶仔仔睇戲O晒嘴 嗯哼超疑惑認唔出爸爸 

撰文:蘇國豪
出版:更新:

去年因綜藝節目《爸爸去哪兒5》爆紅的嗯哼爸爸杜江,今年其主演的電影《紅海行動》收穫佳績,至今已經錄得有30億票房。想不到他帶仔仔嗯哼去睇電影,竟然在播放過程中嗯哼認唔出自己,再度出現「臉盲證」搞到他哭笑不得。

《紅海行動》使杜江人氣再度上升 (網上圖片)

因《紅海行動》人氣再度上升的杜江,對於自己演出的電影有好成績,當然要同家人分享。日前他接受訪問時就表示同親朋好友已經睇了6次,更有一次帶嗯哼去睇,竟然在全程2個多小時的播映中,仔仔完全發現唔到自己,每個人物出現時更問:「爸爸,這個是你嗎?」搞到杜江唔知笑好定喊好。

嗯哼連自己爸爸都認唔到,真係搞笑。(網上圖片)

其實,嗯哼已經不是第一次出現這個「臉盲證」狀況,就在去年節目《爸爸去哪兒5》的時候,他已經多次認錯人。除了將鄧倫誤認為是自己爸爸又或是吳尊之外,更將小泡芙、小山竹傻傻分不清,搞到爸爸杜江都O晒嘴。今次又連自己爸爸都認唔到,睇嚟嗯哼真係要返屋企望清楚爸爸個樣先得。

嗯哼去年在《爸爸去哪兒5》已經經常認錯人。(網上圖片)