文詠珊Janice Man不獲「金像獎」邀請？ 「未有人請我哋去」
撰文：林迅景
出版：更新：
以往金像獎頒獎典禮，文詠珊（Janice Man）都會悉心打扮。就以2016年金像獎紅地毯為例，一身性感大露背裙真係謀殺不少菲林。不過，今屆金像獎Janice Man似乎並不是座上客。昨晚她出席中環品牌活動時，接受《香港01》訪問，被問到會否出席金像獎，Janice Man説：「我都想知吖，因為未有人請我哋去。不過，如果邀請我嘅話，我一定會去支持。」
Janice Man昨晚身穿長碎花裙，真係幾靚。（林迅景攝）
近年Janice Man多於中國內地拍攝電視劇，她表示最近才在工作中抽空回港休息「叉電」，而5月又要繼續北上開劇。問到Janice Man會否回香港拍電影時，她説：「我一直都想㗎，不過要遇到一個啱嘅劇本。因為我都喺香港有一段時間冇拍過戲。（偏向咩類型？）因為我從來都冇拍過文藝片，之前拍嘅都係懸疑、警匪動作，反而我從來冇拍文藝片，我想拍文藝嘅，因為真係好少接觸呢啲。」
其實Janice Man喺2017年香港電影產量只得一套，唔怪得冇人搵佢去嘅。（林迅景攝）