【偶像練習生】男團下月即開騷掘金 范冰冰為范丞丞出道激動落淚
撰文：鄺鈺瑩
出版：更新：
范冰冰細佬范丞丞以超過1,500萬票登上第三名。（影片截圖）
由愛奇藝主辦嘅《偶像練習生》，雖然被指同韓國選秀節目《PRODUCE 101》一模一樣，但show must go on，決賽亦終於舉行，未出道先矚目嘅范丞丞，參賽連日來都得到家姐范冰冰同未來姐夫李晨加持，決選當晚，父母更到場舉燈牌支持，雖然范丞丞最終只係得第三位，但總算成功以男團Nine Percent順利出道，未來姐夫李晨即時發文祝賀：「夢想在路上，一段旅程結束預示著新的開始，加油吧！」並表示「他姐抱著手機看哭了，我偷拍的照片硬生生被刪了。」
范丞丞的父母到場打氣。（影片截圖）
Nine Percent分別由蔡徐坤、陳立農、范丞丞、Justin、林彥俊、朱正廷、王子異、小鬼和尤長靖組成，同韓國《PRODUCE 101》出產的男團Wanna One一樣都係期間限定，出道一年半之後，各成員會返回自己所屬嘅經理人公司，而就係Nine Percent組成24小時都未夠，網上已有消息指佢哋5到8月將會舉行全國巡演，首站將會在上海梅賽德斯奔馳文化中心，之後會去到北京、杭州、廣州等12個地方，再加上代言、廣告等酬金，相信呢個期間限定都足以令愛奇藝同一眾黃牛賺到笑。
Nine Percent下月在國內舉行巡迴演唱，目前已公布了12個地方，相信之後亦會有海外演出。