【流行經典50年】梁詠琪現身唱串燒歌 成齣舞台劇咁勁誇張
撰文：黃梓恒
出版：更新：
《流行經典50年》今日請來了梁詠琪(Gigi)做嘉賓，唱得好唔好聽基本上唔使講，出道多年一直有大量歌迷，就知佢唱功同啲歌都有一定水準。今次TVB為了配合梁詠琪的演出，特地找來了幾位演員當她的綠葉，在她身邊演出了一套舞台劇，仲有埋旁白，你都咪話唔誇張！梁詠琪一口氣唱出多首經典歌，包括《花火》、《他喜歡的是你》、《兩個人的幸運》、《一天一天》和《高妹正傳》，相信作為粉絲嘅你一定相當興奮。
大家睇吓TVB對Gigi幾好！（電視畫面）
+19
今次上來《流行經典50年》，Gigi當然是為了宣傳自己5月4及5日舉行的兩場《梁詠琪好時辰世界巡迴演唱會—香港站》紅館演唱會，Gigi對上一次在紅館開演唱會，已經是2011年的《香港G夜》，歌迷真係等咗好耐！在節目上，她說是因為紅館的檔期太難就，所以唯有隔咁耐先再開一次。不過歌迷們唔知買咗飛未呢？事關出面的黃牛票已經炒到相當高價，未買飛又唔想買黃牛嘅朋友，唯有聽多次《流行經典50年》喇！
終於再開騷喇！（資料圖片）
Gigi都叫大家唔好買黃牛。（網上圖片）