【美女廚房】高海寧教做「美女廚神」訣要:最緊要煮得熟

撰文:林迅景
出版:更新:
高海寧、鄧佩儀現場即整特飲。(黃國立攝)

《美女廚房》日前(4月21日)舉行了美女學徒招募行動,現場除了有19位美少女準學徒之外,當然唔少得曾經是美女廚神的高海寧、鄧佩儀以及2位《美女廚房》主持人阿Bob、蕭正楠。高海寧、鄧佩儀更即場為2位主持人「泡製」特飲。高海寧、鄧佩儀製作飲品時顯得有些手忙腳亂,完成之後就由2位主持試飲。味道如何?睇下阿Bob同阿蕭個樣就知啦。

睇就好似有板有眼。(黃國立攝)

高海寧接受《香港01》訪問時說:「個show幾好吖,好似真人show咁,又可以睇下啲女仔點學同煮嘢食。但係最緊要係咩呢,煮熟啲嘢就得啦。(你會唔會上去做嘉賓試食?)我就應該唔會,我會上去煮俾啲評判食。」上過《美女廚房》做嘉賓的高海寧,自言只是略懂煮食。「我識煮嘢食嘅,但係就唔會認叻囉。(識煮啲咩?)好多都識,中菜蒸條魚、炒個菜、豉油雞,西餐意粉都識OK。(好唔好食?)擺得入口嘅,唔好差得去邊。」

高海寧更回憶起自己7,8年上《美女廚房》的情況。「之前我上過《美女廚房》要煮2道餸,仲要煮鯊魚。我用鯊魚煲咗魚湯,尾個部份就整咗紅燒鯊魚,好食㗎。之前BigBigChannel《美女廚房》我仲煮過鱔。條鯊魚仲要自己劏㗎。」

+6