伍樂怡成TVB親生女 最想拍動作劇：自問好忍得痛
撰文：張嘉敏
出版：更新：
今屆落選港姐伍樂怡 (Kelly) 雖然三甲不入，不過就好受網民歡迎，極有觀眾緣，而無綫亦都於Kelly參選完後即安排她入讀藝員訓練班，培育新血。早前已順利畢業於藝訓班的她，最近已正式與TVB簽了經理人合約，成為親生女，明顯TVB有意栽培她。Kelly出席Big Big Channel活動記者會時，被問到所簽經理人合約為期多久，她不願透露年期表示：「我自己覺得係一個合適嘅年期，因為可以傾上傾下 (意思即可加減) ，所以好難講個實際數字出嚟。」
Kelly話想自製曲奇放上big big shop賣。（陳順禎攝）
Kelly已經係TVB經理人合約藝人。（陳順禎攝）
至於公司對她的工作安排方面是怎樣，Kelly說：「依家都係做主持多，有好多主持嘅工作，遲啲應該都會安排我拍劇。我想向多元化發展，學多啲嘢袋多啲嘢落袋先。（最想同邊個合作？）有好多藝人我都想跟佢哋學習，之前實習時有睇過佢哋拍嘢，感覺好新鮮，自己都好期待。」她對演戲拍劇亦好有興趣，想試下動作戲份的演出：「我本身個人好好動，上體操堂都handle到，自己並唔怕辛苦同受傷，自問好忍得痛。」據了解，Kelly第一個大型節目將會是加入《美女廚房》，至於做嘉賓還是繼承當年的「粥粉麵飯」，暫時未有進一步的消息，不過如果是擔任其中一位主持成員，相信一定會新人勝舊人！
Kelly對拍劇有興趣亦好期待。（陳順禎攝）