《都市閒情》彭慧中水著瘋傳 女神唔覺性感：個肚已經起碼有布
撰文：賴家杰
出版：更新：
《都市閒情》女神主持彭慧中(Phoebe)今日（25日）出席品牌活動，身為藝人當然要時常打扮一下，Phoebe表示：「超鍾意買衫，但會買一啲重複穿著嘅，可以多重配搭。」但鍾意買衫就一定會使錢，Phoebe直言：「我好慳家㗎其實，我會等減價先買，個心好似會好一啲，但如果正價買，佢一減價就便宜好多，我心就會好痛。」
《都市閒情》女神主持彭慧中出席品牌活動。(梁碧玲攝）
談到工作計劃，Phoebe表示工作忙完都可以抽空旅遊。Phoebe話晒都係新晉女神，經常喺社交平台發「福利」比粉絲，而最近一張泳衣照就有好多網民睇完都表示噴哂鼻血，Phoebe講到：「有留意到，但我覺得個張都唔係太性感，因為我覺得我著個件一件頭已經多過我平時三點式，個肚已經起碼有布，係咪先?」不過Phoebe都好多謝大家有留意佢。
Phoebe感謝網民經常都注意我。(梁碧玲攝）
係咪好靚先?
除咗討論佢性感之外，大家都會好關心藝人嘅感情狀況，咁唔知道Phoebe和男友打算幾時結婚呢，Phoebe話：「結婚當然未諗啦，但係有溝通，有掛......我覺得順其自然，大家一齊開心，咁都冇特別去諗啲乜野。」Pheobe仲話：「自己唔急，反而身邊嘅人好急，但我啲朋友就好急，每次岀去都問結婚未。」
Phoebe對於同另一伴結婚嘅話題其實暫時都未有計劃。(梁碧玲攝）