【逆緣】賀和平仲未衰得透徹 姜大衛：佢貪小便宜啫，本性唔係壞
撰文：梁子健
出版：更新：
John哥姜大衛在《逆緣》中飾演的賀和平一角，人物性格自私自利、為利是圖，只要對自己有利益的事，莫說是朋友，就連親人都能出賣，因此賀和平這一角色雖然抵死搞笑，但同樣很討人厭。直到昨晚（4月26日）播出的第19集，首次發現賀和平也有善良的一面，覺得他原來還未壞得透徹，仲有得救。
John哥:「賀和平係貪小便宜啫，其實呢個人本性唔係壞。」(TVB官方圖)
是咁的，賀和平發現親家老爺陸浦生（顧冠忠飾）包二奶，於是乘機收取對方掩口費，符合他一貫不做賠本生意的作風。直到陸浦生的二奶找賀永年（黎耀祥飾）作法搞拆散，賀和平得知後心裡OS：「我答應了親家要保密。」這是「受人錢財替人消災」，與賀和平的善無關。不過，他隨即又想：「阿年不知就裡，如果一會兒真的作法，把親家母趕走怎麼辦呢？家變啊！不行。」於是他千方百計搞小動作，希望阻礙賀永年接受陸浦生二奶的委託。雖則這只是短短數分鐘的一節戲，但就令觀眾對賀和平改觀，覺得他「原來都唔係咁衰啫」。
+15
對此，John哥接受《香港01》訪問時回應：「佢（賀和平）係貪小便宜啫，佢覺得自己無錯㗎，仔養老豆係天經地義，政府俾啲綜援老人家係啱嘅，只不過佢係用少少手段、用個搞笑嘅方法去達成，其實呢個人本性唔係壞。佢其實對個仔、新抱、孫以及親家，一直都係搵佢哋笨，但一見到要拆散人哋頭家就唔可以。」
John哥今日（4月27日）為《逆緣》出席宣傳活動。(梁碧玲攝)