羅浩銘日日操愈來愈大隻闖影壇：電影世界我有更加大嘅爭取空間
羅浩銘(Ken)在上年劇集《心理追兇 Mind Hunter》入面擔當一個有勇無謀的CID探員羅祖，是他上年比較突出的劇集，其餘幾部都只是客串一下或沒有發揮，所以觀眾都開始慢慢遺忘了這位TVB御用「衝動」型的演員。在劇集方面沒有大進展，不過其實羅浩銘一直是簽電影公司天下一的經理人合約，是古天樂旗下的一名動作演員，所以他決定不再在TVB坐以待斃「等運到」，決定主動出擊為自己尋求更多機會。
在TVB待了7年的日子，十分打得的阿Ken由綜藝節目《功夫新星》出身，不過數下去，應該只有《城寨英雄》的慢鞭和《心理追兇 Mind Hunter》的羅祖比較令人印象深刻。除了在TVB，其實他也一直有參與電影製作，更加入了「天下一藝人管理有限公司」，受到老闆古天樂的賞識，近來在電影上的發揮也愈來愈多。
在接受《香港01》訪問時，阿Ken就講到自己會更專注在電影的方面，因為：「我覺得喺電影世界，我有更加大嘅爭取空間，電影好多時都會搞casting角色，大小都可以去試，唔得就檢討自己點解唔得，得就知道自己長處喺邊，知道唔同導演喜歡甚麼。例如話之前我cast過《明月幾時有》，但劇組覺得我太大隻，遊擊隊應該無啖好食。但另外一套戲，就覺得我應該剛剛好。我好喜歡可以用自己嘅演技同實力去爭取發揮角色，電視嚟講要啲時間俾公司了解你，因為太多人，幾百人（男藝人）等待機會，要等公司發現你嘅才華同實力要啲耐性同運氣。我年紀唔細啦，唔可以等運到，所以我喺電影個邊係咁自己搵機會。」
【心理追兇】《激戰》堅踢彭于晏 CID羅祖：打完先知佢係巨星
除了演員的身份，其實精通跆拳道、西洋拳、泰拳、京翻、詠春、綜合格鬥、巴西柔術等武術的阿Ken亦是一名動作設計，不過在TVB卻無發揮之地：「我喺電影有參與過動作設計，特別係同我練過嘅功夫或有比賽經驗嘅武術。我拍攝《激戰》嘅時候就係演員、替身同副指導。我識得嘅鎖技都會試俾指導睇，睇吓適唔適合喺嗰場用，指導同導演肯聽我意見我好開心。但係電視有電視嘅制度，唔可以隨便改動，有次拍劇我想做個危險動作，但最後電視擔心我安全所以取消咗。所以兩邊作用唔同，電影時間彈性啲，可以俾你試，電視就無咁多時間，覺得唔可行即刻ban。」始終針無兩頭利，Ken決定花多時間在電影方面其實未必是錯。