有線幫友誼十周年 洪永城區永權梁嘉琪聚餐變晒TVB人
撰文：洪曉璇
出版：更新：
第一代有線娛樂新聞主播，圖中有5位都喺TVB工作中。（資料圖片）
喺香港真係好少一份工打到老，轉工本是平常事，不過好似電視圈來來去去都係嗰兩三間電視台，變相轉工好多時都係見返同一班同事。TVB近年出現有線幫，意指一班從有線過檔嘅藝人，好似已經站穩一線花旦之位嘅李佳芯同黃翠如，都係有線娛樂台過檔。
相識超過十年依舊經常約食飯。（Facebook圖片）
外界俗稱嘅「有線幫」好多出身自有線娛樂新聞，轉咗公司感情一樣相當好，不時相約食飯。呢日洪永城CALL埋陸浩明、區永權、梁嘉琪、衛志豪、莫家淦以及潘梓鋒，去到九龍城聚舊食飯，當中好幾位都係第一代娛樂新聞主播認識超過十年，友誼相當深厚呀下﹗唔知係咪幫4月26號生日嘅陸浩明補祝生日呢？
黃翠如去年尾有感以發，講起當年入行時佢地都係剛畢業七千蚊月薪。（黃翠如Facebook）