【逆緣】翁芷蕎謀殺湯澤澄案勁多反駁位 網民勸籲：睇緊TVB咋
雖說「聽故唔好駁故」，但很多人看完最新數集《逆緣》之後都提出質疑，特別是就「翁芷蕎（夏文汐飾）涉嫌謀殺親夫湯澤澄（黎諾懿飾）」的官司。
【人證物證都無 都唔知翁芷蕎驚乜】
首先，在翁芷蕎被正式起訴時，她很怕被定罪要坐牢，急急要求賀永年（黎耀祥飾）無論用什麼方法都要助她打贏官司，包括養鬼仔等法，更出到一億報酬金額。
對此，網民們就率先表示不解：「呢單謀殺案喺人證物證兩方面都係證據不足，都唔知翁芷蕎驚乜。人證方面，就算有人曾經偷聽到佢答應湯澤澄嘅要求，喺湯澤澄垂死時幫佢拔喉解脫，但翁芷蕎真係拔喉時根本無人睇到，講到底就係無人證。如果單憑聽到之前嘅承諾就推斷翁芷蕎之後真係會做，係唔合理兼告唔入。物證方面，湯澤澄生前用錄音筆錄低要求翁芷蕎幫佢拔喉，但都唔係啲咩有力證據，一嚟控方偷返嚟嘅嘢唔可以做呈堂證物，二嚟錄音筆嘅內容都屬於事前承諾，唔等於翁芷蕎殺人行為。所以，單單係『疑點利益歸於被告』就可以好簡單判翁芷蕎無罪。」網民更基於上述講法，表示：「賀永年真係好好運，單官司根本告唔入翁芷蕎，佢基本上咩都唔使做就可以將大嗱嗱一億袋袋平安。」
【證物房無CCTV？咁易做手腳架咩？】
網民真的很有先見之名，事實的確是法官與陪審團都因「疑點利益歸於被告」而判翁芷蕎謀殺罪名不成立。不過，賀永年並不是什麼都不用做，還要付出真金白銀給互相勾結的賈綽（陳山聰飾），繼而買通證物房的黑警損害證物。然而該證物並非上述提及到的，而是湯澤澄生前所用的供氧機喉管，從而產生「湯澤澄之死很可能是因機氣故障造成」這一疑點，而不是因翁芷蕎謀殺。
於是乎又惹來觀眾駁故：「證物房咁重要無CCTV架咩？而且裝證物啲袋唔係應該使用『密封式一次性膠袋』以防證物被做手腳架咩？點會咁易俾明哥（證物房警員，李家聲飾）話做手腳就做得到仲要神不知鬼不覺？」
雖則這場官司戲的確有很多可反駁的地方，但認真便輸了，誠如有人留言指：「你只係睇緊TVB劇咋。」
【逆緣】黎耀祥收夏文汐五球幫黎諾懿續命 失敗點拆好？網民有計
以下列圖為賀永年放下一大筆金錢予證物房警員明哥，然後陳山聰安排明哥損害證物：