【深宮計】終於喺騰訊上架 總監梅小青：唔夠一日點擊率已破億
撰文：張嘉敏
出版：更新：
一直有傳無綫重頭劇《宮心計2深宮計》因為涉及宮廷鬥爭題材而遭大陸禁播，故遲遲未過到內地的審批，未能與香港同步於5月21日在騰訊視頻上架。不過該劇昨晚終於獲得「解封」，並正式在騰訊上架，今日該劇總監梅小青出席劇集宣傳活動時宣佈：「由尋晚上架到依家唔夠一日時間，點擊率已經破億喇。」
梅小青話對套劇嘅收視成績好有信心。（黃國立攝）
對於有指該劇被大陸禁播的傳聞，小青姐說：「其實我哋從頭到尾都無話唔播得，只係程序上嘅問題，尋晚25號8:30上架，到依家呢個時間，點擊率啱啱過咗一億，真係好開心，就好似幫劇組打咗強心針咁。」她又話最開心是有好多人讚該劇的製作。問到首集收視只得25點，小青姐表示：「其實25點仲未計誇平台嘅，要到星期一出嚟個數字先係正式收視，我有信心，好多謝大家咁捧場。」
成班演員一齊宣傳兼玩遊戲。（黃國立攝）
她還大讚一班演員都好有heart去宣傳，自己也看了套劇無數次，起碼20次。講到劇中兩位小朋友好搶鏡，小青姐說：「小朋友好有感染力，之前《深宮計》都有兩個小朋友演出，觀眾好鍾意，所以我哋今次都有好多小朋友嘅戲。不過小朋友嘅戲好難拍，佢哋啲電力好少，喊兩喊就話要瞓覺喇。」
小青姐話小朋友好快無電。（黃國立攝）