【深宮計】陳煒戲裡戲外情路坎坷：我都想識下新朋友
撰文：張嘉敏
出版：更新：
喺大家睇緊《深宮計》嘅時候，陳煒又指完一套啦。（劇照）
陳煒 (煒哥) 自從加入了無綫之後，可以話係一劇接一劇，有好多演出機會。這日她就出席有份主演的新劇《危城First Lady》演員煞科晚飯，她表示拍攝這套劇也辛苦的，不過當然不及拍《宮心計2深宮計》辛苦啦。煒哥說：「其實做完太平公主之後，拍咩劇啲對白都好易handle，因為小青姐 (梅小青) 係要求我哋一字不漏咁背晒啲對白，呢套亦係我第一套真係要背對白嘅劇，拍時裝劇嘅對白唔使咁樣背，除非係演啲專業人士例如律師嗰啲。」
煒哥又拍完一套TVB劇喇。（葉志明攝）
講到煒哥在《危城First Lady》的角色情路比較坎坷，而在《深宮計》所演的太平公主駙馬亦被斬首，現實生活中她又經歷了離婚，仿佛戲裡戲外她的感情生活都不太如意，問到她可會因此而不相信愛情，煒哥說：「係喎，我拍親啲角色嘅情路都好似好坎坷咁嘅，不過我真係忙到無時間識朋友，我都想識下啲新朋友。（想唔想我拍拖？）睇時間同埋睇緣份啦。（有無咩擇偶條件？）遇都未遇到，遇到先啦。」
煒哥話想識新朋友不過無時間。（葉志明攝）
煒哥近日憑住飾演太平公主一角演技備受讚賞，更有網民認為她有機會獲提名今屆視后又或是最佳女配角，對此她說：「好多謝大家嘅支持，自己都好開心可以接到呢個角色，可以話係我從影以嚟嘅代表作之一，因為真係拍得好辛苦，每場戲自己都好深刻，付出咗好多，所以都希望觀眾會鍾意。」
成班演員一齊慶祝新劇煞科。（葉志明攝）