【我的最佳球星】C朗竟然唔鍾意迪麗熱巴　鍾情模特兒睇中佢？

四年一次全球盛事《世界盃2018》進行得如火如荼，雖然賽前被睇好的葡萄牙在16強淘汰賽慘遭烏拉圭以2:1贏波被踢出局，不過C朗（Cristiano Ronaldo）的表演仍然贏盡唔少掌聲，不愧貴為世界足球先生。

集高大靚仔男人味一身的他，眾所周知他鍾情於模特兒，過去同唔同國籍的女模特兒拍拖最起碼都達10個以上。而近來他就獲邀上內地綜藝節目《我的最佳球星》播出，果不然在三位內地女星中他眼光始終如一，挑選了內地一線模特兒劉雯，反冇挑選到人氣女星迪麗熱巴，皆因他覺得劉雯最靚喎。

迪麗熱巴外形亮麗往往都是唔少男士心中「最佳對象」，就連巴西籍球星柏圖（Alexandre Pato）都拜在她的石榴裙下，早前在比賽中公開向她示愛。原以為熱巴可以吸引男神C朗青睞，沒想到在她同內地女模特兒劉雯﹑內地女星賈玲中，他第一眼就睇中劉雯：「我覺得第三個漂亮」眼神仲好肯定。

事實上，難怪迪麗熱巴會輸給劉雯，皆因C朗就係鍾情模特兒型，而劉雯就係亞洲第一個模特兒登上國際舞台「维多利亞的秘密」內衣騷，而且她的外形身材高挑的確受歡迎，2012年更被美國男性雜誌評選出她是全球最美的第99人，難怪獲得C朗的鍾愛喇！