《衛斯理》殺入周一至五黃金檔期　因為太多譚俊彥？　

早前報道過網傳《冒險王衛斯理》第三季《無名髮》被抽起，同時段改播《爸爸的告白》，TVB 節目表近日再有變動，原本《天命》播完之後播出由譚俊彥擔正的《特技人》，但最新安排是將由《無名髮》頂替《特技人》緊接《天命》播出。

據知TVB原本係安排重頭劇《再創世紀》承接《天命》播出，這部劇集耗資接近一億港元，由無綫、愛奇藝，以及中國廣播影視出版社攜手製作，但因為內地批文問題，所以延遲播出，改由《特技人》頂上。

咁點解依家又話唔播《特技人》？有傳話可能因為怕觀眾唔鐘意連續兩套劇都係譚俊彥做男主角，所以改由《無名髮》頂上，由7月30日起，逢星期一至五，於21：30時段播出，而無綫內部亦發出通告指《特技人》的宣傳期押後。另外，亦有傳《無名髮》頂上時因為無綫想製造空檔，試試能否在期間取得《再創世紀》內地批文，如果成功，《無名髮》後便會播放《再創世紀》，而非《特技人》。

至於《天命》則安排在7月22日（星期日）播出1小時，及7月29日（星期日）播出兩小時大結局。