【書展2018】簡淑兒新歌講逝去感情 有前度曾經一腳踏三船
電影《春嬌與志明》中，有句經典對白：「成世人流流長，總會愛上幾個人渣」，應該許多人有共鳴，簡淑兒(Jessica)就曾經遇上過不只一個「渣男」──其實她沒有這樣形容過前度，只是聽完「故事」後，真的很難不把他們歸類「渣男」。在這個仲夏，Jessica與鄺俊宇不僅聯乎乘推出新書，還有新歌《謝謝你傷過我》，靈感就是來自那些受過傷害的感情。
我們約在一間裝修懷舊的火鍋店，Jessica談起對上一段受過傷害的感情，Jessica一邊回憶，雙手一邊不由自主地轉動著木筷子。那個男生是她回來香港，入娛樂圈之前一起的，他愛說謊，也愛「蒲」，Jessica說等了幾年，給了很多次機會，等他改變，「我唔係好鐘意check佢，我同佢一齊咗咁耐，我check過佢電話兩次，喺佢面前，大家一齊睇嘅，兩次都發現咗啲唔係好想見到嘅嘢，之後都唔敢再睇了，因為知道一check，一定會發現到啲嘢。」Jessica說。
「其實中間散過幾次，有散過半年，有散過幾個月，分開咗幾次都係一齊返，去到最後，嗌咗場交，其實好小事，我依家都想唔起係咩事，但突然之間，成個人崩潰咁喊起嚟，嗰刻就決定唔想再同呢個男仔一齊，我寧願自己一個都唔想同佢一齊。」一次又一次地被傷害，一次又一次地原諒，給過無數次機會，都等不到浪子回頭，感情逐漸被磨蝕，到最後，你會發現，與其留在一個不斷傷害自己的人身邊，倒不如自己一個更好。
「最Hurt嘅係講大話，我唔介意你唔應承我，但你應承咗就要去做，唔係我迫你，如果做唔到就唔好承諾。」Jessica說她在美國的初戀男朋友亦同樣不忠，曾經一腳踏三船，再加上對一個男朋友又經常講大話，令Jessica產生陰影：「第一次拍拖同上一個男朋友都係成日講大話， “I promise you this and that”，我都同佢講，我唔信“promise”呢個字，喺我本字典入面已經無“promise”呢個字。話佢會改，但我發現有其他女仔，佢跪喺度同我講話佢會改，佢承諾咗好多次，但都無改。我唔再相信承諾，我覺得要行動做出嚟，同樣我都唔會去作出承諾，我會做出嚟。」
Jessica雖然不只一次遇過渣男，但前度中也不乏窩心的人，讀大學時一起的男朋友，曾經在她失去血肉摯親，最脆弱的時候，給她無微不至的關懷，Jessica回憶往昔，一度感觸哽咽，淚盈於眶：「當時我爺爺在香港過身，我係喊到痴咗線，嗰段時間佢（男朋友）一直陪住我，當時我在美國，收到消息第二日仲要返學，佢每日車我返學放學，佢仲會幫我Book機票返香港出席爺爺喪禮，一直喺我身邊睇住我、陪住我、照顧我。」其實陪伴、體諒和照顧，看似容易，卻不是每個人都願意做而又處理得好，前度陪著Jessica一起走過低谷，雖然後來兩人走不下去，但當時的溫暖，她直到今天還記得。
其實每一個感情，不論為你帶來或重或輕的回憶，甜蜜過或苦過，都是一場修練，「曾傷我／最深的／卻令我懂得／怎去愛／下一個」，《謝謝你傷過我》中這幾句正正是感謝前度傷害過自己，令自己更懂得帶眼識人，歌名分明有骨，卻正正是填詞人鄺俊宇想帶出的意思，“what doesn't kill me makes me stronger” Jessica 說：「一個人在感情上受了傷就會成為一個弱者，這首歌想告訴大家不需要做一個弱者，不要沈溺在傷痛之中，其實可以好硬淨咁企返起身，同那個人講多謝，對方令你成長，再好勇敢咁愛下一個。」Jessica 也說她已經走出過去的陰霾，隨時準備好迎接新戀情。
延伸閱讀：
【波士早晨】簡淑兒拍劇起步遲 演悲情女角入屋：希望進步比人多
場地贊助：火水爐冰室火鍋