【書展2018】廚神鼎爺煮公仔麵有秘訣：最緊要淥熟佢唔使過冷河！
撰文：翁漢瓏
出版：更新：
出前一丁的煮法大有學問，而且流流派派各有不同，先有黃秋生的「凍水落麵」煮法，再來是星級茶餐廳老闆謝徤豐教大家「先撈味粉再落湯」，今日則輪到星級廚神鼎爺分享自家獨門的煮麵秘技。
「講到煮公仔麵呢，其實手法、口味呢啲嘢就各有各啦！而公仔麵都係我去美國探我個大仔嘅時候最得意嘅菜式。首先就梗係淥熟佢，過咗一浸之後啲水我會倒咗去，亦唔會要嗰啲湯料包，冷河都唔洗過，只需要切幾片火腿、淥條菜、十字型切開魚蛋牛丸，然後將啲丸放係碗底，再落麵，火腿放表面，最後將啱啱煮滾嘅鹽水倒落去就完成！」
原來鼎爺煮公仔麵鍾意乜都唔落，唔單止擺盤有先後，連湯水都要自己親手煲嘅鹽水先得，真係好講究！（賴家杰攝）