【黃子華棟篤笑】憶述劉青雲幫手埋單 　子華哽咽感謝當年情

「得人恩果千年記！」黃子華喺成名之後，都從來忘記過入行以嚟，曾經幫助過自己嘅每一位朋友。子華最近喺棟篤笑告別作《金盆𠺘口》嘅每一場尾聲，都會公開多謝一個人。繼子華早前公開多謝林祖輝喺自己人生首次舉辦棟篤笑時，仗義幫手貼街招後，子華日前就公開答謝另一位好兄弟─劉青雲。

子華講到自己喺最初期的棟篤笑演出，並唔係別人眼裡咁「風光」，亦唔係賺很多錢。喺某一次表演後，佢與當晚在場欣賞嘅青雲等一行廿幾人去高級日本料理慶功，雖然廿幾人入面子華只係認識三、四人，但作為主人家的子華也無奈要「萬歲」。

黃子華重提當年感激劉青雲「埋單」青雲：大家請下大家 冇乜所謂

正常子華諗住去埋單時，收銀員竟然話：「阿邊個幫你畀咗喇！」而「阿邊個」正正就是青雲，子華仲記得當時青雲講：「我知道呢度好多人同你唔熟，我幫你搞掂喇！」憶述此事，子華喺台上都忍唔住哽咽，感動稱：「我感動不是係因為他畀錢，而是因為他（劉青雲）知道這餐飯對這個人（子華）來說是一個數目。」被記者問到呢件事，青雲雖然話：「大家都會請下大食飯，冇乜所謂嘅。」但呢個貼心嘅舉動，就足夠令子華記一世。

當年子華同青雲因為電影《人生得意衰盡歡》而認識，喺泰國拍攝期間，二人朝夕相對，而成為好友。喺青雲結婚時，子華亦有幫手做兄弟，能夠在圈中認識並成為知己的真的非常難得，難怪兩位Friend足咁多年！