【開心速遞】送水輝大小姐有情敵？ 阿水阿龔突然亂入係咩玩法
撰文：黃梓恒
出版：更新：
《愛．回家之開心速遞》在最新一期收視報告入面，終於止跌回升，由幾個星前的有史以來最低收視，到最新的25.9點，雖然未破最高紀錄，但都總算挽回人氣。而講到劇中的人氣水準，一班螢幕情侶絕對是較高的一群，尤其是許家傑飾演的送水輝和林淑敏飾演的大小姐，這對情侶在現實勁多粉絲，而且亦用劇中角色得到不少廣告商招手，勁！
佢兩個真係好抵死。（劇照）
昨日，許家傑在其Facebook post了一張四人合照，不過合照中他與大小姐竟然不是靠在一起，而相中出現了另一對劇中情侶阿水（呂慧儀飾）和阿龔（張景淳飾），他們兩對人竟然交換了伴侶，難道是劇情的暗示？在接受《香港01》訪問時，許家傑表示：「係人都估到我同淑敏，而阿水就同阿龔，但我哋自己覺得，大家都係《愛‧回家》，無分你我。於是我哋係特登一齊咁樣影張相，等大家睇吓邊對襯啲。」小編就認為原先組合最襯，各位觀眾又點睇呢？
邊對襯啲呢？（許家傑Facebook）