【港姐2018】仙氣女神楊帆肌膚亮白全場：我好鍾意飲豆漿椰青水
撰文：吳子生
出版：更新：
19號港姐後選佳麗楊帆，今日現身西貢為《2018年香港小姐競選》節目拍攝《美麗120秒》。身穿彩色間條紋露肩衫，黑色短褲，展現出白皙肌膚，亮白全場。「因為我媽咪都好白 ，同埋我一路來都好注意防曬 ，日日都會搽防曬，自己好鍾意食生果 ，補充維他命C，出門有太陽都會擔遮，我好鍾意飲豆漿同埋椰青 ，之前日日飲豆漿， 同埋貴州空氣水質好好 ，我又唔食油炸食物。」
楊帆是一名獨生女（梁碧玲攝）
今屆港姐取消出埠拍外景，會唔會覺得可惜？「我唔覺得可惜，因為自己好怕曬太陽，所以冇得出埠拍外景都冇所謂。」今屆香港小姐競選活動，下月將會進入決賽，一眾後選佳麗，馬不停蹄接受特訓，忙過不停，有冇一刻想放棄退選？楊帆笑說：「每次要早起身，唔夠時間休息情況下，係個一刻好想放棄，但到最後都係會堅持到底。」
楊帆表示冇預期自己會攞獎，最重要是選美帶來嘅經驗（梁碧玲）