【BB來了】盧宛茵現實中係好奶奶：我會擦新抱鞋㗎
撰文：翁漢瓏
出版：更新：
無線劇集《BB來了》因其內容貼地，令不少媽媽觀眾都有共鳴，劇集受網民熱烈歡迎之餘，劇組演員的拍攝過程亦非常歡樂，今日（26日）盧宛茵大排筵席，請來一眾《BB來了》演員參加飯敍，她謂：「今日做老闆請大家食飯，因為我地合作得好好，開工拍戲成個過程係開心嘅，加上收視又好，今晚就請大家食飯再開心多啲！不過我呢餐都只係前菜，佢哋大家都話輪流請食飯，嚟緊仲有大把飯局！」
盧宛茵十分享受與劇組演員一起拍攝的過程，特意大排筵席請一眾演員食晚飯。（葉志明攝）
【BB來了】李佳芯當面鬧爆奶奶盧宛茵心理變態 連港媽都唔撐？
【BB來了】金牌惡奶奶盧宛茵自言演戲靠天份：出道已經有人讚我叻
盧宛茵飾演母親角色深入民心，一旦談及母親總會想起她，而她也樂於現況：「我又做過岳母，又做過慈母，今次飾演刻薄奶奶，都係一個新嘗試，我自己鍾意接受挑戰，不過最好都係留返係母親呢個角色，最想係挑戰更多唔同類型嘅母親角色。」談及自己現實生活中又是什麼類型的母親，她回答：「有啲人話好仔不如好新抱，但我就唔係，我對我啲新抱都好好，平時討新抱歡心，仲會刷佢哋鞋㗎！我哋完全當大家係朋友，大家都係平等關係，會一齊食飯shopping！」
盧宛茵表示自己與媳婦關係好，會當對方朋友般相處，有時更會「拍馬屁」為來討對方歡心。（葉志明攝）