【BB來了】盧宛茵演刻薄奶奶演技獲讚:同現實中嘅我相反

撰文:
最後更新日期:

TVB 劇集《BB來了》因為題材貼地,劇情寫實,獲得觀眾共鳴而大受歡迎,不只兩位男女主角演技獲讚,當中盧宛茵(Madam Lo)飾演的惡奶奶,非常傳神,那副尖酸刻薄的神情,相當搶眼球,獲網民大讚是惡外母同惡奶奶嘅代表:「盧宛茵真係無法取代,刻薄媽媽到而家刻薄奶奶,今年女配佢有份爭就好!」

盧宛茵在《BB來了》中飾演刻薄奶奶,獲網友大讚演得入型入格。(影片截圖)

Madam Lo在螢幕前分別飾演過外母同奶奶,同樣深入民心,她在現實中有二子一女,除了女兒未嫁,兩個仔都結婚生子了,Madam Lo亦已榮升奶奶同嫲嫲。Madam Lo接受《香港01》訪問,指現實中的自己,跟劇中角色完全相反,她不會跟「新抱」爭寵:「我同啲新抱都好friend,我好開通,唔會干涉佢哋,可能我個人比較西化,佢哋自己都有請陪月,佢哋自己決定,我都無過問,我自己都最驚人哋對我問三問四。」

Madam Lo在劇中的角色,與新抱大李佳芯大鬥法,演技出色令人入戲,隔住個Mon都覺得心寒。不過她說自己現實中不是這種奶奶。(影片截圖)

+8
+7
+6

網上經常有「新抱」抱怨奶奶成日出招,在人前人後都有好多小動作,畀好多說話自己聽,Madam Lo說自己不會這樣做:「可能我仲有做嘢,有自己嘅事業要忙,唔似得其他奶奶咁得閒,佢哋太得閒,咪搵啲嘢做囉。」

Madam Lo自言不是一個愛對別人管三問四的人,因為她也不喜歡別人這樣對待她。

其實身為奶奶嘅Madam Lo,自己都做過人哋新抱,不過佢就話自己同奶奶關係都唔錯:「我哋唔係一齊住,相處得幾好。」其實Madam Lo說出個重點來,「唔好一齊住」就係維持婆媳關係嘅關鍵。但由於現時樓價高企,好多人都焗住同奶奶一齊住,Madam Lo聞言講咗句:「我戥佢哋慘呀,無計啦,唯有將就吓啦……」然後以一個「你懂的」嘅語氣說:「我明嘅!」

Madam Lo自己都做過人哋新抱,所以好理解婆媳唔應該同住。(影片截圖)

+2

【BB來了】盧宛茵曾演「潮文」白鴿眼伯母:第時女婿無樓唔緊要!

【BB來了】Ali同學張韋怡曾遇「地獄陪月」:佢搞到我個仔生粒粒

【BB來了】李佳芯演媽媽情緒起伏好入戲 生仔似走過鬼門關無誇大



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。