【爸爸去哪兒】陳小春Jasper父子吸金力驚人 獲重金力邀冧莊演出
撰文：張嘉敏
出版：更新：
就嚟又可以見到Jasper cute爆嘅演出喇。
陳小春與寶貝仔仔Jasper (陳胤捷) 自從上年參演完內地真人騷《爸爸去哪兒5》之後，萌娃Jasper旋即迷倒大班觀眾同網民，人氣爆升，更經常高居熱搜榜，鋒頭可謂一時無兩。由於Jesper實在太受歡迎，湖南衛視今年開拍全新一輯的《爸爸去哪兒6》更首次破例，再度邀請小春同Jasper兩父子冧莊演出。
事隔一年再度父子兵上陣。
有指電視台重金力邀兩父子上陣是因為要迎戰朱茵母女參演的另一內地節目《想想辦法吧！爸爸》。據知，今次小春同Jasper父子檔的酬勞已經加碼至3,500萬人民幣 (約港幣4,032萬元），兩人的吸金力認真驚人，現年僅5歲的Jasper咁細個已經識得賺大錢，好叻仔。
有傳佢哋兩父子今次酬勞逾港幣$4000萬元。
而酬勞加碼後，新一輯的難度亦都提高了不少，小春同Jasper要同大隊一齊去到海拔3700米的稻城縣進行拍攝，當地空氣極稀薄，要好小心預防患上高山症。小春的老婆，即Jasper媽咪應采兒今次都有隨行，就連她父母都有一齊去，昨日應采兒就於facebook上載了老公同仔仔在稻城拍攝時的相片，並留言表示︰「爸爸去哪兒第六季 第二站稻城順利結束！海拔比較高、小孩子適應力比較強！」相中見到小春同Jasper都分別需要吸氧氣，不過大家不用擔心，另一張相就見到Jasper陪公公婆婆打麻雀，好孝順呀。
小春要吸氧氣。
Jasper都要吸氧氣。
再睇下Jasper有幾咁可愛啦！
+5