【動漫節2018】鄧以婷忍唔住要非禮林泳淘：佢有啲部位好吸引
撰文：林迅景
出版：更新：
鄧以婷已經係動漫節「前輩」，佢嚟過好多次㗎啦。（梁碧玲攝）
動漫節電玩節2018來到第三天，繼續有TVB藝員組成的Godlike Girls出席活動。今日（29日）除擔任cosplayer大賽的頒獎嘉賓外，她們更上台以手遊互相比試。Godlike Girls之一的鄧以婷接受《香港01》訪問時說：「我好細個做model嘅時候做Show Girl，到後來入行組合嘅時候都有嚟動漫節唱歌表演，所以我覺得動漫節好似睇住我成長咁。」
大家有冇見過林泳淘cos大喬？係咪好似呢？（Instagram圖片）
來到動漫節，鄧以婷就想起以前做Show Girls的回憶：「我記得以前做Show Girls嘅時候好攰囉，因為有好多好熱情嘅人搵我影相，真係好閃對眼好辛苦，到最後一日係影到標眼水，然後個客就即刻問我咩事，我話我只係隻眼好攰。嗰時工作時間好長，一日都有8個鐘。」
鄧以婷細細個就已經喺動漫節工作，可以算得上常客。（梁碧玲攝）
鄧以婷：「我以前試過扮小丑女，着起件衫嘅時候即刻變咗好crazy，好好玩㗎。再加上我見到林泳淘cos大喬之後真係好靚，搞到我都想cos下其他角色。（尋日喺後台係咪發生咗啲事？）哈哈，佢扮左大喬之後，有啲部位就好吸引嘅，所以我就忍唔住非禮下佢。哈哈，呢啲係鏡頭後做嘅嘢。」
+2