【特技人】羅浩銘膽大唔使替身跳6層樓　「威也」失靈嚇到標冷汗

《特技人》之中，有不少綠葉演員都十分值得留意，例如在劇中飾演「走蔥」（楊少聰）的羅浩銘，曾做過三年武打替身的羅浩銘對這次角色可謂是手到拿來，他參演過的電影更是套套精彩，例如《激戰》、《魔警》、《赤盜》，近期拍攝中的更有《明日戰記》、《L風暴》、《風林火山》等。羅浩銘（Super Ken）接受《香港01》訪問說：「《特技人》入面，仲有一兩場擂台搏鬥嘅戲，同林師傑仲有練拳嘅戲。」

談起《特技人》中的驚險場面，羅浩銘就提到其中一幕是他飾演的「走蔥」需要拍攝跳樓場面。「導演同我講話有一幕要跳3層樓高，監製本來幫我book咗替身。導演仲問我：『都幾高㗎喎，真係唔使？』我話：『替身畀有需要嘅人啦。』後尾去到知，嘩，高到望唔到，原來三層樓高係工廠大廈嘅三層樓，即係差唔多成６層樓廿米高。」

羅浩銘的「跳樓」戲份需要由6樓跳到3樓冷氣槽，再跳到地下。但在「跳樓」途中，就發生了一個小插曲，嚇得他「標晒冷汗」。「跳緊嘅時候，個場務突然大嗌『唔好跳住！』。原來係因為我太重，個『威也』師傅扭親腳拉唔住我，我即刻要停喺中途拉住牆，嗰下我真係驚㗎。