湯洛雯想轉行型格路線 對新戀情唔執著：兩個人好講時機
撰文：冼燕珊
出版：更新：
湯洛雯今日（3日）出席彩妝品牌活動，平日形象甜美的她，化咗一個相對妖豔的妝容，同平時非常不一樣，靚湯話其實自己好鐘意作唔同嘗試：「其實我呢排都嘗試緊一啲型少少嘅造型，入咗行都五、六年，都想有啲變化。我好多角色都想試，最想試一啲爛撻撻嘅角色，之前做《火線下的江湖大佬》，演煒哥後生版，做江湖大家姐，大家又覺得OK喎，同埋做出嚟我都好鐘意自己可以咁豁出去。」
湯洛雯今日個妝好妖豔，佢影相都故意chok 個cool樣襯返個妝。（黃國立攝）
靚湯近來事業得意，接落唔少廣告，曝光率又高咗，事業得意，唔知情場又點呢？目前單身的靚湯坦言有人追，但仲係了解階段，至於係咪圈中人，佢就不願透露。經歷咗上一段感情，靚湯嘅感情觀都唔同咗：「宜家大個咗，覺得執着唔係一件好事，兩個人一齊好講timing(時機），都係一場緣份，唔係話係你搵成熟穩重細心嘅人，就會一定遇到，就算遇到，都可能遇到其他問題，例如價值觀，所以我依家都唔會刻意要求啲乜嘢。」
靚湯想試下行型格路線。（黃國立攝）