【美女廚房】吳卓羲「唔熟唔食」有經驗　爆蕭正楠：佢食咁多好嘢

吳卓羲日前（4日）到TVB電視城參與新一輯《美女廚房》的錄影，雖然時隔已有十年八載,昔日的TVB當紅小生，今日已成電視電影界的寵兒。不過「出得嚟行就預咗要還」，8年前（2009年6月14日）上過《美女廚房》的吳卓羲，8年後的今日（2017年8月4日）又在《美女廚房》出現。日前吳卓羲參加新一輯《美女廚房》的錄影回憶起8年前食過的菜色。「我記得個蟹，但係佢好嘢吖，入面啲膏係唔熟嘅。」

吳卓羲續說：「（食落去咩味？）冇啦，食落去唔熟就即刻𦧲啦，仲食咩。你要了解佢唔係有菌吖，係入面有蟲㗎，所以一唔對路就要𦧲㗎啦。（嗰次有冇食到肚痾?）唔舒服囉，心裏面，驚病吖。（今次做咗咩準備？）預備咗嘔吐袋吖，Bosco仲話大會預備咗十字車同黑箱車。不過你要知道呢度係TVB嚟㗎，十字車同個醫生都可能係假嘅，所以我今次好有經驗㗎啦，有咩唔對路就俾阿Bob食，Edwin（蕭正楠）都喺度，都可以俾佢食，佢食咁多好嘢。」