【多圖】陳瀅低胸泳裝再度出海 竟然遇著裸露猛男高調示愛
撰文：黃梓恒
出版：更新：
陳瀅呢個夏天相當忙碌，唔係因為有咩劇或者戲要拍，而係佢成日都出海玩！早在今年6月頭的時候，陳瀅已經孖住好姊妹何雁詩一齊出海玩wake-surfing（滑水）。當日妹蔡思貝三點式亮相，而陳瀅則包到實一實，雖然係咁，但依然引來不少網民讚好。之後，陳瀅每隔一兩個星期就會同何雁詩齊齊出海，實行唔好浪費夏天，要同陽光瘋狂地玩遊戲！
陳瀅同何雁詩呢個夏天成日出海。（Instagram圖片）
+10
日前，睇到陳瀅Instagram，就知道佢同何雁詩呢個黃金組合又再出海，雖然今次無影住佢哋玩wake-surfing，不過就見到㗎船有好多人一齊出海玩。陳瀅今次就穿上網民期待已久的低胸泳裝，又同何雁詩影咗張「黃金合照」，不過整個IG post入面，最吸引嘅竟然唔係佢兩個！？話說在一條動態即時影片入面，出現了一位肌肉猛男喺度大叫：「我愛陳瀅！我愛陳瀅！」隱約仲聽到陳瀅嘅笑聲，好鬼Sweet，唔知頭唔知路仲以為係一對情侶喺度玩。其實呢個猛男係余德丞，今次突然向陳瀅示愛當然只係玩吓，不過其實兩位型男美女真係幾襯㗎喎，兩位不妨都考慮吓喇！
今次佢好High。（Instagram圖片）
呢位大隻仔就係余德丞。（Instagram圖片）