【港姐2018】李芷晴係緊張大師？ 求簽倒瀉晒兼現皮膚敏感
撰文：林迅景
出版：更新：
今日19位佳麗去到天后廟求簽，其中6號杜愛恩因為身體唔舒服而缺席。（林迅景攝）。
香港小姐2018競選8月底就舉行，今日19位佳麗就到了元朗大樹下的天后廟求簽，絕大部份佳麗都是由外國回流香港，所以求簽時都顯得有點手忙腳亂。10號的李芷晴（Stephaine）求簽時發生小意外，倒瀉了「簽」。李芷晴接受《香港01》訪問時說：「頭先掉晒啲『簽』，但係唔緊要嘅，落地開心富貴榮華吖嘛，可能佢有好多指示俾我呢。最緊要都係最後尾求咗支上簽。」
李芷晴（Stephaine）話最近皮膚敏感，唯有化妝搭救啦。（林迅景攝）
李芷晴求簽嗰時仲灑到一地都係。（林迅景攝）
李芷晴：「支簽就話叫我盡力做好自己就OK。其中有一部份，佢說知道我對住鏡頭會好緊張，好似講到我心入面嘅事，都好準，佢就叫我淡定啲，都有機會嘅。」李芷睛今日化了一個厚妝出席，妝底下隱約見到些許紅斑，細問之下原來是因為皮膚敏感以致。「我皮膚有啲唔隱定，好容易就會皮膚敏感。其實之前都試過一次好嚴重，宜家都算比較嚴重。醫生都話可能係緊張，叫我放鬆啲心情。」
+7