【港姐2018】童銘欣曾打工洗廁所 棄地產分析「Dream Job」參選
撰文：林迅景
出版：更新：
《香港小姐競選2018》每年都吸引來自不同行業的美女參加，20位參選佳麗之一的12號童銘欣（Christy）就是一名酒店地產分析師。童銘欣接受《香港01》訪問時解釋酒店地產分析師的工作：「其實呢份工係我大學時嘅dream job，不過我大學都唔係讀酒店。譬如有間地產商或者政府想起間酒店或者渡假村嘅時候，就會搵我哋呢啲顧問，我哋就會做份報告畀佢哋，話俾客戶知個project回報有幾高。」
今日去天后廟都求到支好簽。（林迅景攝）
童銘欣（Christy）續說：「我之前做過嘅project係香港又有，斯里蘭卡又有，澳洲都有。（香港多唔多呢一種公司？）我哋呢一間公司算係行內最出名最專業嘅一間，因為普通地產顧問可能係做比較多商場或者住宅，但係如果係酒店，就係我哋呢間。」乍聽之下童銘欣的職業是屬於高薪一族，但原來她的工資只有大概兩萬上下。「（酒店地產分析師）係我第一份工，dream job嚟嘅。因為我好鍾意酒店，我細細個住酒店嘅時候，就覺得酒店好靚。我仲記得細細個清潔姐姐幫我執好間房之後，我仲會畫個公仔多謝佢。」
酒店地產分析師究竟係做咩嘅呢？（Instagram圖片）
童銘欣更透露入職前更試過洗廁所。「之前我係喺酒店入面工作，咩部門都做過，front-desk（前台）做過啦，house-keeping又做過，即係執房，洗廁所我都好似洗過一次，哈哈。我嗰時係做assistant mananger，所以返工嘅時候有時都要幫手執房。」
+10