【港姐2018】未到決賽佳麗已經分黨派？ 1號蘭倚婷：約埋食米線
撰文：林迅景
出版：更新：
今日好多佳麗都揀Grace。（葉志明攝）
《香港小姐2018競選》進入最後倒數階段，20位佳麗今日更齊集珠寶店內試戴珠寶首飾，每位候選港姐戴上鑽石首飾之後更顯得高貴大方。今日大會更特設小型Catwalk Show環節，每位佳麗需戴上珠寶走秀，再由其他佳麗選出心目中最靚的一位。而這個比賽中，就由1號蘭倚婷（Grace）獲票選勝出。蘭倚婷（Grace）接受《香港01》訪問時說：「非常開心，因為都冇諗到係自己攞獎，好多謝其他佳麗。」
香港小姐2018，蘭倚婷、丁子田、陳曉華、高育英（左至右）。（葉志明攝）
又難怪嘅，原來蘭倚婷在佳麗之中人緣也十分好，再加上職業是一名形象顧問，所以得獎也是正常事。蘭倚婷說：「其實我同其他佳麗私底下都好friend，會一齊食飯傾計，佢哋又會教我廣東話。」放工後，原來一班佳麗都會約埋一齊食飯。「都唔一定㗎，我哋去得最多嘅係喺將軍澳食嘢，因為近公司嘛。（對上一次食咩？）米線，因為唔係好肥，同埋好好味，哈哈。日本嘢，雞翼吖，同埋雪糕。」問到與哪一位佳麗最好朋友時，蘭倚婷回答說：「其實大家都差唔多，今日可能同呢幾位，聽日就同呢幾位，有時間就會一齊食。（邊幾位最常一齊食？）最多就係Yutori（工藤佑采）同埋Amber（鄧卓殷），仲有Kathy（庄嘉慧）同Stephaine（李芷晴）。」
除此之外，蘭倚婷更說好多謝其他佳麗時常糾正她的廣東話發音。「我時時都講唔準個音，佢哋聽到就會一個字一個字教我，唔單止佳麗，連工作人員都會好耐心教我。」她表示自參選之後，廣東話已進步不少。
+6