【妻子的浪漫旅行】應采兒要求過偶像劇生活 陳小春秒回：改嫁吧
撰文：鄺鈺瑩
出版：更新：
應采兒話想生活偶像化一啲，陳小春聽完一副「無你咁好氣」的樣子
陳小春同老婆應采兒最近一齊參加內地綜藝節目《妻子的浪漫旅行》，節目中，陳小春以「八卦、八婆、又話嘮」形容應采兒，之後仲好實在咁話「她本來就是這一種人！」老婆不在場，乜都夠膽講。
聽到老婆好嗲咁叫「老公」，陳小春個樣係咁的……
應采兒於節目中表示之前睇過其他綜藝節目，並認為佢同陳小春「活得不夠偶像劇」，順勢提議「另一種生活方式」，但相信佢點都估唔到會得到一句「改嫁吧」嘅回應，真係眼都凸埋。應采兒之後繼續要求陳小春配合新的講話態度，並用非常嗲嘅聲線問「老公，等一下要吃什麼？」見到陳小春一副非常震驚的樣子，應采兒馬上就話「不要說食屎」，雖然老婆好努力咁去嗲，又話就算安排做乜都唔會有意見，但陳小春都不為所動，最後都係講出一句「食屎吧」玩完一輪，陳小春準備離開沙發去換衫，應采兒即時鬼上身一樣：「老公，你去哪裡？我會怕怕」，疊字呢家嘢，真係唔係個個都啱講架……
聽到陳小春叫「改嫁吧」，應采兒反應好好笑。