【港姐2018】Honey比堅尼泳裝夠搶鏡：有個魚缸俾我就會信心爆棚
撰文：林迅景
出版：更新：
Honey Ho（何泳芍）話：「我想其他女仔見到，最緊要做自己鍾意做嘅嘢。」
《香港小姐2018競選》今晚就開鑼，20位佳麗今晚就會一決高下，真係「食粥食飯都睇呢鋪」。當然，每個佳麗都在這次競選中落足心機精神以及體力，而賽前因健康膚色以及有「美人魚」潛水教練之稱的14號Honey Ho（何泳芍），接受《香港01》訪問時就說：「叫自己放鬆啲，唔好諗咁多。」
Honey Ho表示唔怕因為膚色影響賽果，仲話：「我覺得因為皮膚黑，反而票數會多咗。」
其實佳麗們賽前的工作一點都不輕鬆，Honey Ho：「通常都係預我哋半夜（收工），但係會唔會over-time（超時加班）都唔知。因為好多嘢都係睇佢哋進度，或者有時候突然之間要改晒所有嘢，咁就夜晚唔使返屋企啦，不過就冇咁誇張嘅。其實返到屋企洗個頭、沖完涼、落完妝、敷下mask，咪返嚟囉，哈哈哈。」
Instagram靚相按以下連結：
【港姐2018】Honey不介意大眾對健康膚色女仔睇法：我經歷咗好多
【港姐2018多圖】23歲潛水教練Honey勁陽光 完美演繹健康性感美
其實Honey Ho係想代表健康膚色嘅女仔參加，證明畀其他人睇「黑皮膚」都可以係靚。
昨日（8月25日）舉行泳裝綵排，其中最好身材的莫過於是Honey Ho，她表示對這個環節十分有信心：「因為自己做開運動都操得比較Fit，我覺得我著住泳衣個自信都好夠，因為平時著開吖嘛，大家都知道我係潛水教練，平時都著開泳衣，所以會比較自在。」至於才藝表演方面，Honey Ho就似乎有點保留，畢竟她的專長是徒手潛水。Honey Ho（何泳芍）說笑話：「如果有個魚缸俾我，我就會信心爆棚。」
+3