【劉德華演唱會】有人網上原價放售「華仔飛」 谷友嬲爆退出群組

撰文:冼燕珊
出版:更新:

劉德華跨年演唱會早前公開售票,由於只有小量門票公開發售,大家都呻仲難過搶黃子華的飛。有Facebook 群組貼出截圖,指有人在WhatsApp群組中以原價發售華仔演唱會飛,但有人發現真相後,嬲到退出群組。

華仔跨年演唱會飛真係一票難求。(視覺中國)

Facebook 群組「爆笑貼圖區」的貼圖顯示,在一個名為「My Love Andy Lau News」的 Whatsapp 群組中,有人留言說:「大量華仔演唱會門票,包括少量 VIP,原價免手續費。」一時之間,吸引幾位谷友舉手要飛。但亦有人好醒目地問:「10月12 & 13 嗎?」該名放飛谷友馬上回應說:「yes 得12-13。」並附上「蔡楓華情深摯意演唱會」海報,原來此「華仔」不同彼「華仔」,放飛谷友亦一如所料地引來一陣粗口問候,更有谷友因為太嬲而退出群組,這名谷友也許覺得該群組「伏」味太濃了吧。

在華仔演唱會放飛WhatsApp群組中,有人自稱有大量門票,真相卻是另一個「華仔」蔡楓華的演唱會。(爆笑貼圖區FB圖片)

有不少網友看到貼圖後,紛紛表示「大家都叫華!不用分那麼細吧!」、「佢紅過華仔呀!想當年。」,更有人印出同樣在年尾舉行個唱的Joe Junior 演唱會海報,笑指自己有大量握手位飛。

年尾仲有JJ (Joe Junior) 演唱會。(網上截圖)

其他網友留言:

1.佢又真係講得上係華仔演唱會喎。

2.從來都無用「華仔」黎(嚟)形容過 蔡楓華,因為佢嘅形容(代名)詞個個都好勁揪嘅:

3.蔡楓華紅透半邊天果(嗰)時劉德華都唔知喺邊呀

4.講真識睇一定睇蔡楓華先啦

5.燶華後生風光時生真係好王子。

6.蔡楓華好失禮咩?

其實蔡楓華當年真係好紅。(網上圖片)
+8