【都市閒情】播足26年要改革 改名《Big City Shop》搵商機
撰文：洪曉璇
出版：更新：
自從Big Big Channel出現，TVB已經鋪天蓋地宣傳，除了過時過節總有一兩個節目Hard Sell一下，而不同劇集、綜藝節目亦有意無意植入一些Big Big Shop有售嘅產品，《東張西望》如是，連師奶至愛嘅《都巿閒情》都受到波及，今日便傳出，1992年首播的《都巿閒情》，將於今年10月結束「轉型」，新節目暫名《Big City Shop》，相信觀眾將會、或者會不停見到大明猩喇！
《都巿閒情》於1992年2月5日首播，至今已經播出超過26年，現時逢星期一至五13:25至14:10在翡翠台播出，每集45分鐘。繼承前婦女節目《婦女新姿》的功能，內容圍繞時事、健康、烹飪、生活享受、藝術表演等，每集會邀請不同嘉賓講解有關專題，名人、藝員或歌手訪問等。
眨下眼，《都巿閒情》已經播出超過26年。（影片截圖）
節目每日會請唔同嘉賓，因應各類主題提供實用資訊。（影片截圖）
通訊事務管理局7月宣布放寛植入式廣告規管，只要在節目中展示或使用產品或服務時，顧及節目的內容及類別，以自然及不會令人覺得突兀的手法表達，以及沒有直接推銷或建議使用產品或服務時，例如《#後生仔傾下計》或《兄弟幫》等，主持人飲用的果汁等產品，即使在鏡頭內清楚拍到其品牌，但在新例下亦算是不違規的做法，因為節目沒刻意介紹相關產品，所以在商言商，如果大台今次決定將《都市閒情》轉型，亦屬合理舉措。
事實上《都巿閒情》中最受歡迎的烹飪環節「今晚食乜餸」，本身已經有不少廚具和食品品牌贊助，如果《Big City Shop》真的取代《都市閒情》，大有機會跟之前的《食平啲》系列一樣，主力幫Big Big Shop作產品示範。據知改名為《Big City Shop》後，會繼續由《都巿閒情》監製趙麗平去做，但安德尊、宋芝齡、劉彩玉、林淑敏，同近年被捧為「都巿閒情女神」的彭慧中等一班主持人，又能否平安過渡到新節目呢？
隨住7月宣佈放寛植入式廣告規管，以後產品介紹時應該多咗唔少近鏡。（影片截圖）
《食平啲》系列可以賣烹飪廚具食材，《都巿閒情》皇牌環節《今晚食乜餸》一樣可以，仲一星期播足五日，商機無限呀。（影片截圖）