【機場特警】蔡思貝再剪短頭髮：會唔會啲觀眾又唔再鐘意我？
撰文：吳子生
出版：更新：
無綫新劇《機場特警》今日（10/9）在電視城進行拜神儀式，祈求拍攝順利，長紅收視。蔡思貝為咗套劇把長髮剪掉，以全新造型亮相會見傳媒：「喺戲裡面講我細個喺一個肥妹仔，哥哥意外過身，遺願要當一名警察，我仲親手剪咗自己把頭髮。當我知道劇嘅故事背景之後，我就同監製講我要剪短把頭髮，監製叫我唔使剪咁短，因為我要迫自己變到好tough，好有決心，一喺唔做，一做就去盡。」
提到余德丞，蔡思貝叫佢要快啲好番，一齊再拍旅遊節目（陳順禎攝）
2014年無綫劇集《衝線》蔡思貝同樣地為角色把秀髮剪掉，事隔多年後今次再剪短髮對思貝來講意義重大：「記得初入行拍《衝線》嘅時候剪短咁把頭髮，5年後今日我又要剪短把頭髮，好似從新開始咁，長頭髮期間大家對我嘅評價係好，所以某程度上今次剪短頭髮我係怕嘅，會唔會啲觀眾又唔再鐘意我呢？我都會驚，同自己講唔緊要啦為咗個角色，都要演落去。」
蔡思貝表示冇聽過好姊妹陳瀅與羅天宇拍拖，但大讚羅天宇是個好男仔（陳順禎攝）
+2