趙希洛拍情慾戲要求圍兩條巾 慘被譚俊彥嘲笑
撰文：吳子生
出版：更新：
護髮健康產品活動今日（18/9）在荃灣舉行，活動除了邀請品牌代言人袁偉豪外，同場更有兩位嘉賓趙希洛及雨僑現身支持。原來在護髮方面，趙洛希好注重洗頭髮的程序。「我會先將頭髮整濕後，一般人會用洗頭水先洗頭，但我就用護髮素先洗個頭先，因爲我哋經常會有造型，會噴好多定型噴霧，所以先用護髮素洗走佢，然後再用洗頭水再清洗一次，再用護髮素就搞點喇。」
趙洛希早前孖住好姐妹黃智雯日本遊，成個旅程只買咗一盒棉花。（陳順禎攝）
提到趙希洛在無綫新劇《十八年後的殺人告白》中與譚俊彥有感情線，問有否親熱場面？她坦言有一場戲兩人連番激吻，而拍攝時要求服裝提供兩條浴巾遮蔽身體，以防走光。「場戲講我圍住一條浴巾會同譚俊彥又攬又錫又抱，當中動作會好大，但慎防走光，我要求服裝姐姐俾多條毛巾我打孖上，因為啲毛巾好薄，但服裝姐姐話我裡面本身已經做哂打底，圍多條毛巾變咗成個糭咁，旁邊嘅譚俊彥笑我：『你都打咗咁多底，你會好安全唔使擔心，就算跌咗條毛巾，你裡面都有成套衫喺度。』不過最後都只用一條毛巾拍攝。」
趙洛希成為無綫親生女後工作機會一浪接一浪。（陳順禎攝）