鄧麗欣認愛後IG首次放閃　粉絲驚訝：未試過咁高調

鄧麗欣（Stephy）與台灣前棒棒堂成員王子（邱勝翊）譜出姊弟戀，七月中二人大方認愛，處於蜜運中的兩小口，真係見少陣都唔得，Stephy唔只經常飛去台灣見男友，近日佢在法國出席巴黎參加時裝週，王子亦愛相隨，陪住女友飛歐洲，實行寓工作於拍拖，真係好「糖黐豆」。Stephy 今日更在IG上載同男友的合照，係公開戀情以來，首次放二人的合照。

近日Stephy出席巴黎時裝周，男友王子都有同行，今日下午Stephy放上和男友合照，並甜蜜留言：「We had a great time #這位帥哥有點眼熟。」而王子亦在相同時間亦放上二人合照，並說：「謝謝邀請 Have a good night #這位小姐有點眼熟。」有粉絲留言指對於Stephy咁高調放閃感到驚訝，但亦說今次可以令佢一改以往風格，相信對方「係一個對你好特別好特別既人」。