張寶兒孖男友家人遊日 抗拒旅行結婚 ：未到呢個階段
撰文：賴家杰
出版：更新：
張寶兒今日（4日）出席Tvb舉辦的「十月星辰」活動，寶兒是本月10號生日，問到她今年會如何慶祝？寶兒說到今年是跟男朋友和他家人去日本旅遊：「今次第一次同佢屋企人去旅行，（會唔會有顧忌？）唔會，我以前都成日同爸爸媽媽或朋友家人去旅行，所以唔會有唔習慣。」言下之意寶兒在照顧長輩方面是很厲害？「又唔好咁講，大家係互相尊重。」
張寶兒笑言就算長大一歲，自己心境上都係好年青。（葉志明攝）
這次日本之旅是寶兒的生日，是不是旅費全是男朋友付出？寶兒笑言錢方面很難說：「我覺得佢會想請屋企人旅行，（順便請埋你？）係嘅，不過我覺得有部份係自己出，我都係以AA制為主，所以能夠自己付出都係自己畀。」寶兒說到今年生日願望只想大家身體健康。
寶兒直認今次旅行係男朋友請客，不過買嘢方面會自己負責。（葉志明攝）
寶兒認識的朋友中有一個就是旅行訂婚，問到她會不會這次也是去神秘結婚？「我應該唔會，我哋唔係要驚喜嗰啲，我哋討論過仲未到呢個階段。」
寶兒講到今次到日本唔會係同男朋友去結婚或被求婚，因為未到呢個階段。（葉志明攝）