【開心速遞】Terry結婚KC衷心送上祝福：我哋唔係hehe嚟㗎！
撰文：張嘉敏
出版：更新：
KC、大小姐、送水輝、Helen同Mandy齊齊嚟祝賀一對新人。（張嘉敏攝）
無綫處境劇《愛·回家之開心速遞》入面飾演Terry的李偉健今日大婚之喜，在劇中飾演他舅父KC的歐瑞偉當然都有出席婚宴祝福一對新人啦。KC同Terry可算是該劇其中一對好有人氣的CP，兩人戲裡戲外感情都好好，今次Terry結婚了，新娘卻不是KC，對此，歐瑞偉即說：「我哋絕對唔係咩hehe呀，就算喺劇入面都係舅父同外甥嘅關係，唔係一對㗎，我又點會係失去咗佢呢？佢結婚我梗係好戥佢開心啦！新娘子我都識嘅，大家有一齊見過面食過飯，衷心祝福佢哋。」他又大讚偉健同新娘子都好純，兩人非常合襯，他和太太送了人情給一對新人：「等佢哋鍾意買咩就買咩，最實際。」
【開心速遞】Terry迎娶拍拖十多年女友 最愛對方唔大使又肯捱
KC咁錫Terry當然有嚟飲啦。（張嘉敏攝）
而在劇中飾演Terry家姐大小姐的林淑敏，就講笑話：「我應該坐主家席㗎嘛。」她又謂Terry結婚咁大件事，個個都唔准開工，要來飲喜宴。至於飾演送水輝的許家傑就表示自己與偉健是參與同一屆港男認識的，兩人的號碼是連住的，所以會被安排在一間房，有肉帛相見。
《開心速遞》成員以及TVB一班藝人齊齊同新人大合照。（張嘉敏攝）
想睇今日接新娘實況？呢度有圖輯：
+20