【真係咁都得】利穎怡扮月野兔勁搞笑 不顧儀態變蠢版吳君如？
撰文：陳栢宇
出版：更新：
由區永權、鄧嘉傑、利穎怡（Joan）和劉穎鏇主持的無綫節目《真係咁都得2》每逢星期六晚8點都會為觀眾探討香港獨有的古靈精怪現象，在剛剛播出的一集中，觀眾便觀賞到與拍攝《東張西望》時不同的利穎怡，一個集搞笑、幽默一身的利穎怡，絕對是為求效果不顧儀態，更有網友睇完她扮《美少女戰士》月野兔後大讚她有望成為吳君如的接班人。
利穎怡最近與區永權、鄧嘉傑和劉穎鏇一起主持的無綫節目《真係咁都得2》。
利穎怡接受《香港01》訪問時便說不覺得自己搞笑，但共事的人都話她搞笑：「攝製隊話我係好認真做就好搞笑，佢哋又話我好低能，其中一個攝影師就話我着咗Sailor Moon套衫後好似吳君如，咁都幾好嘅，但我係蠢嘅版本。」她又笑指同一個攝影師曾經讚她似黎姿：「我一路都想行靚女路線，訓練班同學仔都知我想行呢個路線，但係個個都話我行錯！但明明校長譚詠麟都讚過我似黎姿。」
談到參與《真係咁都得2》本身，利穎怡便指今次機會實在難得：「好多謝監製，今次係第一次喺《東張》以來有節目。其實我都擔心行咗搞笑之後拍唔返正劇，但係為咗節目效果冇所謂啦！」
有圖為證，譚詠麟讚利穎怡似黎姿，有67%的網友都認同譚校長睇法。（Instagram）