【跳躍生命線.專訪】羅天宇入行10年31歲先開始衝:最緊要而家醒

撰文:林迅景
出版:更新:

有著名演藝人在主持節目時就曾經說過:「試下Google自己個名,睇頭幾個關鍵詞就知你係咩人。」
試著Google搜尋羅天宇的話,第一個相關關鍵詞就是「女友」,第二個是「身高」,第三個是「背景」。當然,還可能會出現一些關鍵詞,例如陳瀅、Coffee、湯洛雯、苟芸慧等,可能也會有「馬子仁」,但就絕少會見到最近播放的劇集《跳躍生命線》。老實說,羅天宇由2008年入行10年至今,劇集作品又真的寥寥可數。「叫得出名」的,其實只有《愛·回家》的「馬子仁」。

問起羅天宇呢10年TVB生涯最想多謝邊個,佢諗咗一下就話係珍姐。原因係《愛‧回家》「馬子仁」都係珍姐搵畀佢。(電視截圖)

浮沉10載,就連羅天宇他本人都認為自己冇鬥心:「我承認㗎。但係喺30歲之後,尤其係接到呢個角色。突然之間覺得,好似真係要做返啲嘢咁樣,真係要醒啦。所以嗰時拍呢套劇嘅時候都幾大壓力嘅,生白頭髮吖,瞓唔到覺吖。到真係拍完之後,就覺得自己好似真係實踐咗啲嘢喎。監製會講:『有幾場真係做得幾好。』或者編審都會講:『你做到我想你做嗰樣嘢。』當佢哋對我有呢啲認可嘅時候,特別有滿足感。」

《跳躍生命線》譚Sir呢個角色真係做得幾好,拍之前羅天宇有減肥操大隻,所以睇起嚟同「」真係唔同晒。(劇照)
我覺得我係白老鼠囉。
羅天宇

「我阿媽成日都迫我錫佢㗎,出門前都要鍚一錫佢。」羅天宇與弟弟、媽媽自小感情就當相之好,在他拍攝《跳躍生命線》要節食減肥期間,媽媽在忙碌工作之外更在親自下廚煮愛心飯盒給他。羅天宇形容自己與媽媽之間的關係,他笑言:「好Close嘅,但係我覺得我係白老鼠囉,好多嘢都會試咗喺我度先。」

2008年參選香港先生嗰時真係好「青靚白淨」。(視覺中國)
+1

羅媽媽對羅天宇「愛護有加」
「我阿媽以前管得我好嚴,一放學一定要返屋企。試過唔返屋企就報警。(你去咗邊?)去咗同學屋企玩咗2,3個鐘,佢真係逐個打去我朋友屋企搵我。」羅天宇憶述:「中學嘅時候佢連籃球場都唔畀我去。因為嗰時籃球場比較雜,佢就一口絕對:『唔得,你唔可以打籃球。』我就冇打籃球,但係我好鍾意打籃球。後尾又唔係好畀我出街,可能係咁,我就變得好內向,自閉少少,又鍾意自己一個。」無獨有偶,《跳躍生命線》中,譚Sir(羅天宇飾)與傑仔(何廣沛飾)與現實中的羅天宇兩兄弟,亦是在截然不同的環境下長大。他像是在拍抱怨的說道:「我細佬去到我嗰個年齡,我阿媽就覺得:『嘩,佢(羅天宇)性格咁內向嘅,唔掂喎!』所以我細佬去到中學就畀佢去打籃球,有一次去台灣仲帶咗細佬去Disco見識。」羅天宇的內向性格,不多不少也因媽媽的教育而成。

+7
羅天宇話自己細個事無大小都係由「阿媽」安排,連去「香港先生」都係媽媽嘅主意。(陳順禎攝)

羅天宇係「裙腳仔」?
「我係好聽我阿媽話,基本上我阿媽係幫我管理晒所有嘢,基本上佢講咩我就做,所以我就冇咗一個自主能力。我覺得我個人唔夠獨立囉,當然人大咗就好啲。(即係裙腳仔?)我又唔係裙腳仔,我只係聽佢講話,又唔係一日去到會『阿媽前阿媽後』,只不過我有好重嘅尊敬態度。」羅天宇自言,小時候事無大小都由「阿媽」安排,去外國讀書又或是回流香港也是「阿媽」的主意。「香港先生都係阿媽幫我報名,幫我填好仲交埋。」

「佢而家真係入咗隊藍球隊,我就要出嚟做嘢之後先可以打返藍球。」31歲的羅天宇約有170cm高。羅天宇成為了媽媽的白老鼠這麼多年,會否覺得不公平?羅天宇苦笑說:「冇辦法啦。我細佬而家勁高囉,唔知係咪同打藍球有關。」唔知道羅媽媽睇到羅天宇咁講,又會唔會扭佢耳仔呢?

其實羅天宇都唔係好矮,不過同TVB其他男星比都仲係爭少少。(陳順禎攝)

「裙腳仔」終於著返條牛仔褲
古語有云:「男人三十而立」。但今年剛好30歲的羅天宇已經錯失2次「上位」好機會,20歲參選香港先生獲得少年組冠軍是其一、因《愛·回家》飾演「馬子仁」其二。30歲而立之年才在演藝圈「起步」又會不會太遲呢?羅天宇舔了舔嘴唇,想了一想,說道:「其實蝕就蝕咗㗎啦。我覺得係一個過程嚟,冇辦法嘅,最緊要而家醒啫。同埋我嗰時唔係冇努力嘅,只係團火唔夠大啫,衝嘅時候唔夠衝囉。」

「男人三十而立」,其實而家起步先算啱啱好。(陳順禎攝)

黎耀祥由1986年入行,直到2008年44歲時,才憑著《秀才愛上兵》的「戴從文/戴從武」奪得TVB的最佳男配角,歷時22年。相比之下,羅天宇在31歲才正式起步,其實一點也不算遲。2018年羅天宇在事業上尚未有收成,但愛情上就有「女神收割機」之稱。嗯,可能這亦是網民對他又愛又恨的原因。跟他合作過的女星幾乎都傳過緋聞,最新的的緋聞對象還是女神陳瀅...
訪問按此續看:【跳躍生命線.專訪】羅天宇係女神收割機? 「公開都因為認真」

Wardroble:Ted Baker

+1