【跳躍生命線.專訪】羅天宇係女神收割機? 「公開都因為認真」

撰文:林迅景
出版:更新:
緋聞多多嘅羅天宇一向被外界認為係花花公子,講起佢都覺得無奈。(陳順禎攝)

《跳躍生命線》中,除了劇內見習救護主任譚Sir(羅天宇飾)與急症室護士滿月(陳瀅飾)這對青梅竹馬的發展備受關注之外,劇外兩人的緋聞更是不絕於耳。講明是緋聞,其實就說明了一切都是「煲水新聞」。入行10年以內,絕大部份羅天宇相關的報導都是緋聞戀情,對此他亦帶點無奈的說道:「唯有做好自己,咁人哋點樣睇都冇辦法嘅。」

每逄有新劇上,例必會有緋聞,今次輪到佢同陳瀅。(資料圖片)

【跳躍生命線.專訪】羅天宇入行10年31歲先開始衝:最緊要而家醒

公開戀情是因為認真
「真嗰啲冇得講啦,假嗰啲真係唔希望有。但係有陣時見到都會唔好意思㗎嘛,影響咗人哋。」說起現任「緋聞」女友陳瀅與他,他苦笑的說。「好似連累到佢咁,因為我係好多呢啲㗎嘛。(羅天宇想了一下)我連拉姑(郭少芸)都試過傳緋聞,哈哈哈。(拉姑唔好咩?)好好!但係佢喺《愛·回家》入面係我嘅拉姑嚟㗎嘛!很多時候,羅天宇真的是「躺著也中槍」。那麼到底羅天宇與陳瀅是不是發展中呢?羅天宇表示大家只是朋友,會一班朋友一起吃飯行街那種。

估唔到連拉姑(郭少芸)都係緋聞其中之一。(IG圖片)

說起羅天宇的愛情史,真的「三日三夜都講唔晒」,公開過的就已經有3位圈內人,沒有公開的豈不是更多?「真嗰啲我真係認真拍拖,唔係玩㗎嘛。公開都係因為認真,想繼續行落去先至公開啫。」羅天宇續說:「即係咁啱遇到自己鍾意嘅女仔,我又唔係玩完(就算)嗰啲,我係認真嘅。我覺得主要係我俾人感覺唔夠努力,所以俾人感覺就淨係拍拖。咁,我會努力啲㗎啦。」到底是羅天宇天真的認為公開戀情就表示認真呢?還是娛樂圈太黑暗,高調的談戀愛也會被標籤為「花花公子」。

娛樂圈中公開戀情就冇問題嘅,之但係如果兩個人分咗手嘅話,就有排煩。(IG圖片)

羅天宇​是名符其實的「女神收割機」
「人生入面有幾多個女朋友吖?等我諗下先。1,2,3...5個囉。(幾多個係圈內人?)兩個囉。(即係Coffee同靚湯?)哦,唔係,唔...3個。(仲有個係邊個?)之前同苟姑娘都拍過。」環顧當今女神之列,羅天宇的前女友名單就佔了其中三位(苟芸慧、林芊妤、湯洛雯),真是人生如此夫何求!又難怪網友將他冠以「女神收割機」之名(當然還有宅男公敵、女人湯圓)。羅天宇笑一笑就解釋道:「其實我同佢哋一齊嘅時候佢哋仲未係女神。(啲人好葡萄你。)可能係佢哋覺得我唔值得、唔夠好。我覺得唯有就係做好自己。」

「其實我同佢哋一齊嘅時候佢哋仲未係女神」呢一句好霸氣吖。(陳順禎攝)

跟「女神」談戀愛是不是特別麻煩,所以都只推持了一段短時間?羅天宇解釋說:「我係一個比較悶嘅人,所以心思唔係好多。冇乜新意,好鍾意留喺屋企唔做嘢。我都試過俾之前嘅(女朋友)話過我唔學嘢,唔增值自己,都有因為呢啲而有拗撬。同埋我氹人好渣。(送花?)好少。(生日呢?)生日買蛋糕囉。」言語之間羅天宇似是為著以前沒有氹過女朋友而懺悔。

羅天宇表示自己性格相當順得人意,退一步說亦可以說是「冇主見」。「成長嚟講係冇咁好,因為自己冇乜諗法,乜嘢都係屋企人決定,長遠唔work囉。(攞個平衡?)就係個平衡好難攞。當你就晒100%,2,3年後當你有一嘢唔就,就瀨嘢。」

+1